400

إضافة تسمية

نشر

تم نشر خاطرتك بنجاح.

بعده موجود !

تم النشر 2023-02-21 بواسطة وعم

عِشت مع سيدي ٧سنين مِن عُمري بعد ما أهلي انفصلو عن بعض وقرر كُل واحد منهم يكمل حياته ،  بتذكر كان عمري ١١ سنة عشت مع ماما ومع تيتا كمان ، سيدو كان مُقعد بسبب السُكري يلي عنده كان يتعب كتير ويرجع طبيعي لمره تعب كتير وبتذكر طول الليل وانا معه سهرانه وبعد ما أذن الفجر صليت ونمت .

نمت وصحيت ورحت اشوف سيدو كيف صار!

دخلت عنده وكان بعده نايم بعد م تيتا حكتلي صحيه لأنه مش من عادتو يتأخر لهاد الوقت بالنوم !

الساعة ١ الظهر كيف بعدك نايم سيدو يلا قوم

سيدو انت سامعني ؟

حاولت احركه واصحيه بس ما في اي استجابة! 

حسيت جسمه كان بارد كتير لأبعد الحدود كأني ماسكه قطعة تلج رغم انه الدِّنيا صيف ، تمه أزرق وحاسه أني ماسكة حجر شوفي !

رجعت رشيت عليه شوية مي بلكي صحي، سيدو اصحى بعرف انك تعبان سيدو قوم يلا بدون مزح يلا قوم!

لقيت تيتا وراي بتقلي ما صحي ؟

ما رديت عليها وبدون ما يطلع مني حرف اتصلت وحكيت مع الدفاع المدني ليجو !


اجوا و أول ما وصلوا بحكيلهم صحوه شكله تعبان كان مريض لازم يقوم!

حكولي ميت!


حسيت الدنيا وقفت فيني ومش مستوعبه شو صار ضحكت بصوت عالي ، وحكتلهم بلا هبل اكيد ما مات طول عمره بحكيلي رح أضل معك ورحت عنده بدون أي تردد صرت أحركه زي المجنونه سيدو قوم يلا قوم احكيلهم ما متت سيدو قوم احكيلهم انا معها قوم يلا!

حسيت بعدها فعلاً الدنيا وقفت فيني بطل يرد وما صحي ولا اشي حسيت روحي طلعت!

صحيت لقيت امي عندي وبتعيط حكتلها حلم صح؟

ماما انا كُنت نايمة سيدو بعده هون!

-لا هو مات!

تكذبيش علي هو هون ليش بتكذبي؟

-والله ما بكذب ولله يا امي

قمت زي المجنونه وحكتلها بدي اشوفه ما دفنوه صح!

-اه بعده بالتلاجة

رحنا لعنده وانا بعدني حاسة اني بحلم وصلنا وبعد الف عافية قبلو يدخلوني !

حسيت وجهو وبستو وحضنتو!

حبيبي قوم يلا اشتقتلك انا وين رحت وتركتني لمين انا اضل ومع مين احكيلي ؟


مرو ايام العزا كأنهم تلت سنين مش تلت ايام عقلبي! 

دخلت نمت أول ليلة وصحيت كُنت قاعدة مع سيدو!

حبيبي انت ما متت بعدك عايش صح

-يا سيدو انتي هلأ  معي ومش هتروحي مكان حكتلك انا معك .

حسيت فرحة الدِّنيا كُلها فيني قضيت وقت مع سيدو ونمت وصحيت وطلعت على الصالون برا لقيت ماما وبابا وتيتا قاعدين

صباح الخير !

ما في اي رد فكرت ما حدا سامعني وطبعاً تعودت اني أبدل ورق الرزنامة ف بشيل بالورقة لقيت التاريخ١٤ وبدي اشيله يصير١٥ !

ول انا نمت وكان التاريخ ٨! كيف صار هيك مش معقول اكون نمت كل هاد لا اكيد انا بحلم! 

رجعت فركت عيوني وصفنت! 

مش معقول انا بحلم لا اكيد بحلم!

وللصدفة بسمع تيتا بتحكي لماما الله يرحمها كانت متعلقة بسيدها كتير!


ضحكت كتير مش شوي ووقفت قدامها حكتلها شو تيتا هيني شو الله يرحمها بعدني عايشة ! 

مافي اي رد !

بعدني عايشة مالكم حد يرد علي رح انجن ! 

ماما بابا تيتا اي حد يرد مش معقول الي عم بصير! 


طلع سيدو من غرفته ووقف جنبي وحكالي:

حكتلك مش رح اتركك وانتي فعلاً معي! 


ميرنا مشهراوي

تقييم النص

يجب ان تقوم بتسجيل الدخول للتقييم
ميرنا مشهراوي

مشاركة المنشور

وعم

منصة عربية لنشر الكتب والمحتوى المكتوب "من جميل ما ترتسمه أقلامكم"

نصوص مقترحة

هل أبي سر مشقتي أم سعادتي؟؟؟

اﻷب .... وما أدراك ما اﻷب..... اﻷب كائن يس

النوم يجافيني بعد بزوغ الشمس

أعجز عن النوم يا ربي... أرق يسهد عيناي....

في قلب كل فتاة سيارة

السيارة...... و ما أدراك ما السيارة؟! ذلك

التعليقات

اضافة تعليق

يجب ان تقوم بتسجيل الدخول للتعليق